గొర్రెల కాపర్ల జీవితాల్లో వెలుగులు 

  • 75 శాతం సబ్సిడీ ప్రకటించిన ప్రభుత్వం
  • ఆనందంలో గొర్రెలు, మేకల కాపరులు


నాగర్‌కర్నూల్‌ వ్యవసాయం:
 ఎన్నో ఏళ్లుగా గొర్రెల పెంపకంపై ఆధారపడి దుర్భర జీవితాలను వెల్లదీస్తున్న కురుమ, యాదవులు, రానురాను ఆ వృత్తికి దూరమవుతున్నారు. ప్రస్తుత కంప్యూటర్‌ యుగంలో గొర్రెల పెంపకాన్ని కొనసాగించే పరిస్థితి లేకుండా పోయింది. కానీ అనాదిగా వస్తున్న సంప్ర దాయ వృత్తిని వదులుకోలేని పాతతరం వ్యక్తులు అష్టకష్టాలు పడుతూ గొర్రెల మందలను ఇతర ప్రాంతాలకు తోలుకెళ్లి పెంపకాన్ని కొనసాగి స్తున్నారు. ఈ నేపథ్యంలో ముఖ్యమంత్రి కేసీఆర్‌ ప్రకటించిన సబ్సిడీ గొర్రెల పథకం వారి జీవితాల్లో వెలుగులు నింపనుంది. సమగ్ర కుటుంబ సర్వే ప్రకారం నాగర్‌ కర్నూల్‌ జిల్లాలో గొర్రెల కాపరులు దాదాపుగా లక్షా 16 వేల జనాభా ఉంది. 225 గొర్రెల కాపరుల సంఘాలు ఉండగా 16,150 మంది సొసైటీల్లో సభ్యులుగా ఉన్నారు. ప్రభుత్వం ప్రకటించిన ప్రకారం ఒక్కో కుటుంబానికి 20 గొర్రెల చొప్పున రానున్నాయి. ఇక అందరికీ మంచి రోజులే..

సరఫరాకు సరిపడా గొర్రెలేవి 
గొర్రెల కాపరులందరికీ రాష్ట్రంలో గొర్రె లను సరఫరా చేయలేని పరిస్థితి నెలకొంది. దీనికోసం ఇతర రాషా్ట్రల నుంచి గొర్రెలను కొనుగోలు చేసి ఇవ్వనున్నారు. ఇందులో భాగంగా నాగర్‌కర్నూల్‌ జిల్లా గొర్రెల పెంపకందారులకు కూడా ఇతర జిల్లాల నుంచి తెచ్చి అందివ్వనున్నట్లు అధికారులు చెబుతున్నారు. దీంతో రాష్ట్రంలోని గొర్ల పెంపకందారులకు మంచి రోజులు రానున్నాయి. 75 శాతం సబ్సిడీపై జీవాల యూనిట్లను పంపిణీ చేస్తామని ముఖ్యమంత్రి కేసీఆర్‌ చేసిన ప్రకటనతో కొత్త ఆశలు చిగురిస్తున్నాయి. సమైక్య రాష్ట్రంలో గొర్రెల పెంపకం దారులకు ఎప్పుడూ అన్యాయమే జరిగింది. తెలంగాణ రాష్ట్రం ఏర్పడిన తర్వాత సీఎం తీసుకున్న ప్రస్తుత నిర్ణయంతో గొర్లకాపరులు హర్షం వ్యక్తం చేస్తున్నారు.

గతంలో 20 శాతమే సబ్సిడీ 
గతంలో గొర్రెల కాపరులకు ప్రతియేటా రుణాలను మంజూరు చేసేవారు. లక్ష రూపా యల రుణంలో 20 గొర్రెలు, ఒక పొట్టేలు మం జూరు చేసేవారు. వీటిలో 20 శాతం ప్రభుత్వం సబ్సిడీ చెల్లించేది. రూ.2.68 లక్షలకు వంద గొర్రెలు, 4 పొట్టేళ్లు మంజూరు చేసేవారు. ఇందులో 20 శాతం సబ్సిడీ గొర్రెల కాపరులకు లభించేది. ప్రస్తుతం 75 శాతం సబ్సిడీపై గొర్రెలను సరఫరా చేస్తామని సీఎం ప్రకటించడంతో గొర్రెల కాప రుల్లో అనందానికి అవధులు లేకుండా పోయింది. దీంతో వారంతా సీఎంకు కృతజ్ఞతలు తెలుపుతున్నారు.

ప్రభుత్వం నుంచి మార్గదర్శకాలు అందలేదు 
గొర్రెల కాపరులకు సబ్సిడీతో జీవాల యూనిట్లను పంపిణీ చేసేందుకు ప్రభుత్వం నుంచి ఎలాంటి మార ్గదర్శకాలు అందలేదు. ప్రభుత్వం గొర్రెల కాపరు దారు లకు 75 శాతం సబ్సిడీతో జీవా లను అందిం చేందుకు చర్యలు తీసుకోవడం చాలా సంతోష కరం. దీనికి సంబంధించిన మార్గదర్శ కాలు రాగానే తెలియజేస్తాం. అర్హులు దరఖాస్తు చేసుకొని లబ్ధి పొందవచ్చు.

డాక్టర్‌ జి.అంజిలప్ప,
జిల్లా పశుసంవర్ధక శాఖ అధికారి
 Credits : Andhrajyothi

Leave a Reply

Your email address will not be published. Required fields are marked *