తెల్ల చేపల పెంపకం.. లక్షల్లో ఆదాయం

తెల్లచేపల పెంపకంలో మేలైన యాజమాన్య పద్దతులు పాటిస్తూ తీవ్ర నీటి కొరత ఉన్న సమయాల్లో కూడా లాభాలు గడిస్తున్నారు ఆ రైతు. చేపల పెంపకంలో అందరికి ఆదర్శంగా నిలుస్తున్న ఆ ఆక్వా రైతు కృష్ణా జిల్లా నందివాడ మండలం వెన్ననపూడి గ్రామానికి చెందిన రైతు సూరపనేని వెంకటేశ్వరరావు. ఎకరాకు లక్ష రూపాయల ఆదాయం గడిస్తున్న ఆక్వా రైతు విజయగాధ ఇది.
చదివింది 5వ తరగతి. వ్యవసాయంపై మక్కువతో చిన్నతనం నుంచే వ్యవసాయం చేస్తూ మంచి దిగుబడి సా ధించేవారు సూరపనేని వెంకటేశ్వరరావు. దశాబ్దం క్రితం గ్రా మంలోని పంట పొలాలు చేపల చెరువులుగా మారిపోవడం మొదలైంది. తనకున్న 15 ఎకరాల పొలాన్ని చేపల చెరువుగామార్చి స్వయంగా చేపలు సాగుచేయడం మొదలెట్టారు ఆ రైతు. లీజుకు మరో 27 ఎకరాలు తీసుకున్నారు. ఆ 27 ఎకరాల్లో కట్ల(బొచ్చె), రాహు(శీలావతి), మోసు రకం చేపలను సాగుచేస్తున్నారు. వ్యవసాయం మాదిరిగానే ఆక్వా రంగంలోను నిపుణుల నుంచి సాగు మెళుకువలను తెలుసుకొని మేలైన యాజమాన్య పద్దతు ల్లో సాగు చేయడం మొదలెట్టారాయన.
యాజమాన్య పద్దతులు
చేపలువేసే ముందు చెరువు కరకట్టలను శుభ్రంచేసి చెరువులోకి వ్యర్ధ, చెడు చేపలు రాకుండా జాగ్రత్తలు తీసుకుంటారు ఆ రైతు. చెరువులో నీరు పెట్టే ముందే ఎకరాకు బస్తా సున్నం చొప్పున పిచికారి చేసి చెరువును శుభ్రపరుస్తారు. జీరో పాయింట్‌ చేపలను కాకుండా మూడు అంగుళాల చేప పిల్లలను కొనుగోలు చేసి తన చెరువులోనే పెంచి 150 గ్రాముల సైజు రాగానే పెద్ద చెరువులో వేసి మేపడం ప్రారంభిస్తారు. నీరు పెట్టిన తరువాత నీటిలో ఫ్లాంటినం పెరిగేందుకు పేడను పిచికారి చేస్తారు. చేప పిల్లల్ని చెరువులో వేసిన తరువాత వాటికి మేత వేయకుండా ప్లాంటినం తినేలా వారం రోజుల వరకు మేత వేయకుండా నిలుపివేస్తారు ఆ రైతు. దీనివలన చేప పిల్ల ఎదుగుదల వేగంగా ఉంటుందని ఆయన తెలిపారు. ప్రతి 20 రోజులకు ఒకసారి నీటిని పరీక్షిస్తారు. చేపల పెరుగుదలకు అవరోధంగా నిలిచే అమోనియా పెరగకుండా మందులు సకాలంలో మందులు పిచికారి చేస్తే చేప పెరుగుదలకు ఢోకా ఉండదని వెంకటేశ్వరరావు వివరించారు. నీటి కొరత కారణంగా చెరువు నీటిలో ఉప్పుశాతం అధికంగా ఉంటుంది. ఫలితంగా చేపల్లో కలిగే రెడ్డీస్‌ వ్యాధి, డిఓ పడిపోవడం వంటివి నివారించేందుకు జియోలైట్‌, గ్యాసోనెక్స్‌, బెల్లం, బయోగోల్ఫ్‌ మందులను వాడడం వల్ల చేపలు వ్యాధుల బారిన పడకుండా ఉంటాయి. ఆక్సిజన్‌ విషయంలో రైతులు అప్రమత్తంగా వ్యవహరించాలన్నారు వెంకటేశ్వరరావు. చేపలు మెట్టెలెత్తిన సమయంలో చెరువు వద్దనే ఉండి ఎప్పుటికప్పుడు చేపలకు ఆక్సిజన్‌ అందేలా మందులను పిచికారి చేస్తే చేపలు మృత్యువాత పడకుండా వుంటాయన్నారు. మేతల వాడకం లో సైతం ప్రమాణాలను పాటిస్తే అధిక దిగుబడులు సాధించవచ్చుని ఆ రైతు వివరించారు. పంట వ్యవధికాలమైన ఆరు నెలలకాలంలో ఎకరాకు మూడు టన్నుల మే తను ఉపయోగించాలని ఆయన చెప్పారు.
ఎకరానికి లక్ష ఆదాయం
సరైన యాజమాన్య పద్ధతులు పాటించడంతో పాటు రైతులు వ్యక్తిగతంగా శ్రద్ధ తీసుకుంటే చేపల చెరువుల మీద మంచి లాభాలు వస్తాయి. నాకు ఎకరాకు రూ. 2.76 లక్షల వరకు ఆదాయం వస్తుంది. అన్ని ఖర్చులు పోనూ ఎంతలేదన్నా ఎకరాకు రూ. 86 వేల మేర లాభం వస్తుంది. నీటి కొరత సమయాల్లోనూ లాభాలు వస్తాయి. నీరు సక్రమంగా లభిస్తే ఎకరాకు రూ. లక్ష మేర ఆదాయం వస్తుంది.
సంఖ్యే కీలకం
శీలావతి ఎకరాకు 2,600, కట్ల 200 మైలా 100 సంఖ్యలో వేసి సాగుచేస్తే దిగుబడి ఎక్కువగా వస్తుందన్నారు. ఫంగస్‌ రకం చేప ఎకరాకు 10 వేల వరకు పెంచినా ఇబ్బంది ఉండదన్నారు. ఈ రకమైన సాగుపద్దతులు పాటించడం వలన అందరికీ ఎనిమిది నెలల కాలంలో చేపలు పట్టుబడికి వస్తే తనకు మాత్రం ఆరు నెలల కాలంలోనే సంవత్సరానికి రెండు పట్టుబడులు వస్తున్నాయని వెంకటేశ్వరరావు తెలిపారు
Credits : Andhrajyothi

Leave a Reply

Your email address will not be published. Required fields are marked *