ఆధునిక సాగుతో.. ఖర్చు సగమే..

  •  యంత్రాలతో సాగు
  •  సమయం, డబ్బు ఆదా
(వలిగొండ):నేడు వ్యవసాయంలో యాంత్రీకరణ తో కొందరు రైతులు శ్రమను, డబ్బును ఆదా చేసుకొని మంచి దిగుబడిని సా ధిస్తున్నారు. సంప్రదాయ పద్ధతులను వదిలి పెడుతున్నారు. ధాన్యం నాన బెట్టే దశ నుంచి దిగుబడి సాధించి అమ్మేవరకు ఆధునిక పద్ధతిలో పలువు రు రైతులు వ్యవసాయం చేస్తూ ఆద ర్శంగా నిలుస్తున్నారు. రైతుల విజ యం వారి మాటల్లోనే. 
యంత్రంతోవరి నాట్లు వేశా…
గొల్నెపల్లి గ్రామ పరిధిలో నాకు ఐదె కరాల ఎకరాల భూమి ఉంది. దీనిలో నాలు గు ఎకరాల్లో వరిని సాగు చేశా. కూలీల కొర త తీవ్రమవడంతో నెల్లూరు ప్రాంతం నుం చి అద్దెకు వరిని నాటు వేసే యంత్రాన్ని తెచ్చి దాంతో వరిని నాటా. ముందుగా పాలిఽథీన్‌ కవర్‌ను నేలపై పరిచి దానిపై 5 ఎంఎం మట్టిని పోసి వరి విత్తనాలను చల్లా. దానిపై మట్టిని ఎరువును కలిపి పైన వేశా. సరిపడే పరిమాణంలో నీటితో తడిపా. 20 రోజులు నీరు పోసిన తదుపరి వరి ధాన్యం మొలకెత్తాక వరినాటు యంత్రంపైకి ట్రేలలో అమర్చి పొలంలో నాటా. నాలుగు గంటల్లో వరినాటడం పూర్తయింది. ఈ పద్ధతిలో ఒక ఎకరం పొలంలో 10 కిలోల వరి విత్తనాలు నాటడానికి యంత్రం అద్దెకు రూ.3,500 ఖర్చయింది.. వరిపైరు కూడా గతంలో కంటే బాగా ఉంది. గతంతో కూలీలతో నాటు వేస్తే రూ.5వేలు ఖర్చయింది. ఎకరం నాటుకు రూ.1,500 వరకు ఆదా అయింది.
కణతాల వెంకట్‌రెడ్డి, రైతు, గొల్నెపల్లి, వలిగొండ
డ్రమ్‌సీడర్‌తో వరినాటు వేశా..
నాకు వెలువర్తి పరిధిలోనాలుగెకరాల వ్యవసాయ భూమి ఉంది. మూడ ఎకరాల్లో వరిని సాగు చేశా. ఎకరంలో పత్తిని సాగు చేశా. తమిళనాడు రాష్ట్రంలోని రైతులు డ్రమ్‌ సీడర్‌ పద్ధతిలో వరి నాట్లు వేస్తున్నారని తెలుసుకుని అదే పద్ధతిలో నాట్లు వేశా. విత్తనాల ను 24 గంటలు నీటిలో నానబెట్టి ఆ తర్వాత మరో 24 గంటలు నీటి నుంచి బయట వేసి బస్తాలపై వరిగడ్డితో కప్పి ఉంచా. ఆ తర్వాత మొలకెత్తిన విత్తనాలను డ్రమ్‌ సీడర్‌ యంత్రంలో పోసి చదును చేసిన పొలంలో నాటా. ఒక ఎకరం భూమికి వేయి రూపాయలు ఖర్చయింది. నాకు నాలుగు వేలు ఆదా అయింది. రెండేళ్ల నుంచి ఇదే పద్ధతి అనుస రిస్తున్నా. ఎకరానికి 20 క్వింటాళ్ల ధాన్యం దిగుబ డి వచ్చింది. కోనో వీడర్‌ అనే కలుపు తీసే యంత్రంతో కలుపును తీస్తున్నా. ఈయంత్రం మొత్తం ఖరీదు రూ.8వేలు మాత్రమే.
రామ్మూర్తి, రైతు, వలిగొండ
వరి విత్తనాలను వెదజల్లుతున్నా..
నీరు సమృద్ధిగా ఉన్న వ్యవసాయ భూముల్లో విత్తనాలను వెదజల్లవచ్చు. విత్తనాలను బస్తాలలో కట్టి నానబెట్టాలి. 24గంటల తర్వాత విత్తనాలు మొలకెత్తగా మరో 24గంటలు వరిగడ్డితో కప్పి ఉంచాలి. అనంతరం చదును చేసిన పొలంలో నేరుగా వెదజల్లాలి. ఇది పురాతన పద్ధతి. నీటి వినియోగం తక్కువ. విత్తనాల ఖర్చు, కూలీ ఖర్చు కూడా తగ్గుతుంది. పంట 15 రోజులు ముందుగానే కోతకు వస్తుంది. ఇలా వెదజల్లడంతో ఒక ఎకరానికికి రూ.6 వేలు ఆదా అయింది. వరిపైరును ఏ చీడపీడలు అంతగా ఆశించలేదు. ఆరుతడి పంటగానైనా వెదజల్లే పద్ధతిని అనుసరించవచ్చు. మందుల ను పిచికారి చేసి కలుపును నివారించవచ్చు.
 భీమిడి యాదిరెడ్డి, గొల్నెపల్లి, వలిగొండ
Credits : Andhrajyothi

Leave a Reply

Your email address will not be published. Required fields are marked *