‘వీల్‌హో.. జయహో!

తేలిగ్గా కలుపు తీసే ‘వీల్‌హో’ యంత్రాన్ని 2015లో జాతీయ వ్యవసాయ ఇంజనీరింగ్‌ సంస్థ, భోపాల్‌ తయారు చేసింది. రైతులకు ఎంతో మేలు చేస్తున్న ఆ యంత్రం విశేషాలు.
వ్యవసాయ పనుల్లో కలుపు తీయడం ఎంతో ప్రధానం. కలుపు తీసేందుకు కూలీల లభ్యత, కూలీ ఖర్చుల వంటి సమస్యలు రైతులను నిత్యం వెంటాడుతూ వుంటాయి. రోజుకు రూ.400 కూలీ చెల్లించినా పనిలో నాణ్యత అంతంత మాత్రమే. దీంతో రైతులకు చివరకు నష్టమే మిగులుతోంది. ఈ సమస్యను దృష్టిలో వుంచుకుని భోపాల్‌లోని జాతీయ వ్యవసాయ ఇంజనీరింగ్‌ సంస్థ ‘వీల్‌హో’ను రూపొందించింది. ఇనుముతో తయారైన ఈ రెండు చక్రాల యంత్రాన్ని తేలిగ్గా నడిపేందుకు హ్యాండిల్‌ అమర్చారు. యంత్రం వెనుకభాగాన కర్రు వుంది. అరడుగు, అడుగు, అడుగున్నర సైజుల్లో కర్రును అమర్చుకోవచ్చు. మగవారే కాదు ఆడవారు కూడా ఈ యంత్రాన్ని తేలిగ్గా నడుపుతూ కలుపు తీసుకోవచ్చు. రైతులకు మేలు చేసే ఈ యంత్రం ధర రూ.1500 మాత్రమే. కూరగాయల తోటలు, ఆరుతడి పంటల్లో కూలీల కొరతను అధిగమించి, తక్కువ ఖర్చు, తక్కువ సమయంలో కలుపు తీసుకోవచ్చు. రోజుకు రెండు, మూడు ఎకరాల్లో కలుపు తీయవచ్చు. ఈ యంత్రాన్ని వాడడం వల్ల కలుపు మొక్క భూమిలోనే కలిసిపోయి భూసారాన్ని పెంచుతుందని, శారీరక శ్రమ కూడా తగ్గుతుందంటున్నారు అధికారులు.
Credits : Andhrajyothi

Leave a Reply

Your email address will not be published. Required fields are marked *