Category: ధాన్యాలు

ఫిబ్రవరిలో నరికిన మొక్క తోటలను కార్శి చేపడతారు రైతులు. ఆ సమయంలో నేల మట్టానికి పదునైన కత్తితో మొదళ్లు నరికి, ఆయా ప్రాంతాలకు సిఫారసు చేసిన నత్రజనిలో సగభాగం భాస్వరం, పొటాష్‌ ఎరువులు…చెక్కిన దుబ్బుల దగ్గర గుంతలు తీసి ఎరువు వేసి మట్టితో కప్పాలి. ఆ తరువాత తడి ఇవ్వాలి. ఎకరానికి 1.3 టన్నుల చెరకు చెత్తను కార్శి చేసి, ఎరువులు వేసి తడి ఇచ్చిన వెంటనే సమంగా పలుచగా కప్పాలి. కార్శి తోటలో మొక్కల సాంద్రతను బట్టి ఖాళీల భర్తీ తప్పక చేపట్టాలి. డిసెంబర్‌/జనవరిలో కార్శి చేసిన తోటలకు 45 రోజులకు రెండవ దఫా నత్రజని ఎరువును వాడుకోవాలి. నీటి వసతిని బట్టి తేలిక నేలల్లో వారానికి ఒక తడి, బరువు నేలల్లో 12-15 రోజులకు ఒక తడి ఇస్తే పీక పురుగు నివారింపబడి చెరకు తోటలో మంచి పిలకలు అభివృద్ధి చెందుతాయి. కోస్తా, రాయలసీమ ప్రాంతాలలో మొక్కతోట నాటడానికి నేలను లోతు దుక్కి చేసి ఎకరానికి 10 టన్నుల బాగా మాగిన పశువుల ఎరువును వేసి కలియదున్నాలి. మధ్యకాలిక చెరకు రకాలను నాటడానికి, మొదటిగా చాళ్ళలో భాస్వరం, పొటాష్‌ ఎరువులు వాడుకోవాలి. చెరకు నాటిన మూడు రోజులలోపు ఎకరానికి రెండు కిలోల అట్రాజిస్‌ లేదా 600 గ్రాముల మెట్రిబ్యుజిన్‌ అను కలుపు నాశన మందులు చెరకు సాళ్ళు దిబ్బలపై పిచికారీ చేయాలి. ఎకరానికి 1.3 టన్నుల చెరకు చెత్తను కప్పాలి. జనవరిలో నాటిన మొక్కతోటలకు రెండవ దఫా నత్రజని ఎరువును మొదళ్ళ దగ్గర గుంతలు తీసివేయాలి. ఫిబ్రవరి మాసంలో పిలక కార్శి తోటలలో పీకపురుగు ఉనికిని గమనించి తగు సస్యరక్షణ చర్యలు చేపట్టాలి. పీకపురుగు నివారణకై ట్రైకోకార్డులు వాడకం చాలా లాభదాయకం. 87ఏ 298 (విశ్వామిత్ర) రకానికి కొరడా తెగులు ఎక్కువగా ఆశిస్తుంది. మొక్కతోటల్లో ముచ్చెలు నాటే ముందు ప్రొపికొనజోల్‌ మందుతో లీటరు నీటికి 1.0 మి.లీ. చొప్పున కలిపి విత్తనశుద్ధి చేసి నాటుకోవాలి. మొక్కతోటల్లో కంటే కార్శి తోటల్లో కొరడా తెగులు ఉధృతి ఎక్కువగా ఉంటుంది. కనుక ప్రొపికొనజోల్‌ మందును ఒక మి.లీ. లీటరు నీటికి చొప్పున కలిపి కార్శి చేసిన వెంటనే ఒకసారి, కార్శి చేసిన 30-40 రోజులకు మరొకసారి పిచికారీ చేయాలి.

చెరకు మొక్కతోట, కార్శి వర్షాధారపు చెరకు తోటలను నరికి చెరకును వీలైనంత తొందరగా కర్మాగారాలకు తరలించాలి. మొక్క తోటల్లో (డిసెంబరు/జనవరి తోటలకు) రెండవ దఫా నత్రజని మోతాదును వాడుకోవాలి. కూలీల లభ్యతను బట్టి మొక్కతోటలకు కొద్దిగా మొదళ్ళకు మట్టిని ఎగదోయడం వల్ల పీకపురుగు ఉధృతిని తగ్గించి, కలుపు సమస్యను కొంత మేరకు నివారించుకోవచ్చు. మొక్క తోటలకు కలుపు నివారణకు ఎకరానికి 1.8 కిలోల 2,4 డి ఒక లీటరు గ్రామక్సోన్‌ కలిపిన ద్రావణం లేదా 500 గ్రా. మెట్రిబ్యుజిన్‌+ 1 కిలో 2,4డి కలిపిన ద్రావణాన్ని చెరకు చాళ్ళ మధ్య పిచికారీ చేసుకోవాలి. 2,4 డి గ్రామాక్సోన్‌ వాడునపుడు, ద్రావణం చెరకు చాళ్ళపై పడకుండా జాగ్రత్తపడాలి. డిసెంబరు/ జనవరిలో నాటిన మొక్క తోటలు తోటలకు నేల స్వభావాన్ని బట్టి తేలిక నేలల్లో వారం, పది రోజులకు బరువైన నల్లనేలల్లో 15 నుంచి 20 రోజులకు ఒక తడి చొప్పున నీటి తడులు ఇచ్చి పంట పిలకలు తొడుగు దశ బెట్టుకు గురికాకుండా చూసుకోవాలి. చెరకు మొక్క లేదా కార్శి తోటల్లో పండ మార్చి మాసం (వేసవి) నుంచి పంట బెట్టకు గురికాకుండా నీటి యాజమాన్య చర్యలు చేపట్టాలి. డిసెంబరు/జనవరి మొక్కతోటల్లో సాగు చేసిన పుష్ప ధాన్యపు అంతరపంటలను ఫలసాయం మార్చి మాసంలో తీసుకొన్న తరువాత చెరకు చాళ్ళ మధ్య అంతరకృషి యంత్రాలతో గాని నాగలితో గాని చేపట్టాలి. 87ఏ 298 (విశ్వామిత్ర) చెరకు రకాన్ని కార్శి చేసే రైతాంగం కార్శి చేసిన 30 రోజులకు ప్రొపికొనజోల్‌ 1.0 మి.లీ/లీ. నీటికి కలిపి తప్పక పిచికారీ చేయాలి. తద్వారా కాటుక తెగులును నివారించుకోవచ్చు. డిసెంబర్‌/జనవరి మొక్కతోటలకు కలుపు నివారణకు ఎకరానికి ఒక లీటరు గ్రామోక్సోన్‌ కలిపిన ద్రావణం లేదా 500 గ్రా. మెట్రిబ్యుజిన్‌+ఒక కిలో గ్రాము 2,4 డి కలిపిన ద్రావణాన్ని చాళ్ళ మధ్య పిచికారీ చేయాలి.
– అనకాపల్లి అగ్రికల్చర్‌

• 2,3 క్వింటాళ్లు పండేచోట ఎకరాకు 22 క్వింటాళ్ల పంట 
•  నర్సరీ పద్ధతితో దండిగా దిగుబడి 
•  ఖర్చు 60 వేలు, లాభం 5 లక్షలు 
•  రాష్ట్ర చరిత్రలోనే రికార్డు ఉత్పత్తి 
•  కడప జిల్లా పెద్దివీడు రైతు అద్భుతం 

రాయచోటి/వీరబల్లి, జనవరి 30 : పంట వేస్తే, పెట్టుబడి తిరిగి రావాలి. దిగుబడి చేతికి అందాలి. మరో పంటకు పురుడుపోయాలి.. సరిగ్గా ఇలాంటి కలలతోనే రైతులు విత్తనం చల్లుతారు. ఎరువులు వేస్తారు. యూరియా, రసాయనాలు పిసికారి చేస్తారు. చూస్తే, దిగుబడి తరువాత పెట్టుబడీ ఊడ్చుకుపోతుంది. కడప జిల్లా వీరబల్లి మండలం పెద్దివీడుకు చెందిన తాటిగుట్ల రెడ్డి శేఖర్‌ది నిన్నటిదాకా ఇదే కథ! సేద్యాన్ని సంప్రదాయ సాలులోంచి సేంద్రియ మడుల్లో సాగే నర్సరీ ప్రయోగంలోకి మళ్లించేదాకా, ఈ రైతుదీ ఇదే వ్యథ! సాధారణంగా మొక్కకు 50 నుంచి 100 గ్రాముల గింజలు చొప్పున ఎకరాకు రెండు, మూడు క్వింటాళ్ల కంది పండితే గొప్ప. అలాంటిది తన ఐదు ఎకరాల్లో ఎకరాకు 22 క్వింటాళ్ల పంటని తీశాడు ఆయన.. అంతేకాదు, ఒక్కో మొక్కకు 850 గ్రాముల గింజలు తూగాయి. వ్యవసాయ, సేంద్రియ అధికారులు, ఎంపీడీవో, వెలుగు అధికారులు బుధవారం స్వయంగా ఈ అద్భుతాన్ని పరిశీలించారు.

నెల వయస్సు ఉన్న కంది మొక్కను పొలంలో నాటారు. పొలానికి డ్రిప్‌ ఏర్పాటు చేసుకొని ఐదెకరాల్లో సాగుచేశారు. మొక్కలన్నీ బ్రతికాక… 20 రోజులు కాగానే ద్రవ జీవామృతాన్ని అన్ని మొక్కలకు పోశారు. మొక్కకు మూడు నెలలు కాగానే మొక్క మధ్య భాగంలో పై భాగంలో ఉన్న తలను తుంచారు. దీనివల్ల నాలుగో నెల పడేసరికి ఒక్కొక్క మొక్కకు 160 నుంచి 170 కొమ్మలతో చెట్టు విచ్చుకుంది. ఆ సమయంలో చెట్టు ఆకులకు రంధ్రాలు పడడం గమనించారు. వెంటనే గోమూత్రం, వేప కషాయాలను తయారు చేసి పిచికారీ చేశారు. అవసరాన్నిబట్టి నీటి తడులను అందించారు. అంతే.. ఐదో నెల పడేసరికి పంట కళకళలాడింది. అధికంగా సంఖ్యలో పూత వచ్చింది. ఈ నూతన ప్రయోగానికి పెద్దవీడులోని రెడ్డివారిపల్లెకు చెందిన తాటిగుట్ల రెడ్డిశేఖర్‌ తన గ్రామంలో శ్రీకారం చుట్టాడు. ఆయన ఎకరాకు 2600 మొక్కలు నాటగా, 22 క్వింటాళ్లు వస్తాయని అధికారులు అంచనా వేశారు. ఇంత దిగుబడిని కడప జిల్లాలోనే కాదు, రాష్ట్రంలోనే తొలిసారిగా రెడ్డి శేఖర్‌ సాధించినట్టు వారు తెలిపారు. ‘‘నాకూ కంది సాగు కొత్త. కాబట్టి దిగుబడి వచ్చే వరకు అంచనా వేయలేకపోయాను. ఆరు నెలలు పూర్తయ్యేసరికి కంది కాయలు పూత దశకు వచ్చాయి. అది చూసి తోటి రైతులు ఆశ్చర్యపోయారు. విషయాన్ని మండల, జిల్లాస్థాయి అధికారులకు తెలియజేశాను. బుధవారం వారంతా వచ్చి పంటని పరీక్షించారు. అన్ని మొక్కల్లో నుంచి సాధారణమైన మొక్కను వేరుచేసి..దాని వేళ్ల వ్యవస్థని గమనించారు. ఆ మొక్కను ఒక కళ్లం పట్ట మీదికి తెచ్చి విత్తనాలను వేరుచేశారు. కంప్యూటర్‌ కాటాతో తూకం చేయగా ఒక మొక్కకు 870 గ్రాములు తూగాయి’’ అని ఆయన వివరించారు. పైగా, మంచి నాణ్యమైన కందులు చేతికివచ్చాయని వివరించారు. దుక్కి, కలుపు, ఎరువు, కోతకు సంబంధించి ఎకరాకు రూ.12 వేలు, ఐదెకరాలకు రూ.60 వేలు ఖర్చు అయింది. ఎకరాకు రూ. లక్ష చొప్పున ఐదు ఎకరాలకు ఐదు లక్షల ఆదాయం రెడ్డిశేఖర్‌కు లభించనుంది. దువ్వూరుకు చెందిన రైతు బాలాజీసింగ్‌ గురించి వ్యవసాయాధికారులు చెప్పిన వివరాలతో ప్రేరణ పొందానని తాటిగుట్ల రెడ్డిశేఖర్‌ తెలిపారు.

ఇది రికార్డే: అధికారులు 
కడపలోని దువ్వూరువాసి బాలాజీసింగ్‌. జిల్లాలో నర్సరీ పద్ధతి వైపు అడుగులు వేసిన తొలిరైతు. ఆధునీకరించిన సాగు విధానంతో ఒక ఎకరంలో కందిని సాగుచేశాడు. సేంద్రీయ సేద్యానికితోడు అధికారులు సూచనలు బాగా కలిసివచ్చాయి. మొక్కకు 740 గ్రాములు చొప్పున గింజలు వచ్చాయి. ఎకరాకు 18 క్వింటాళ్ల దిగుబడిని బాలాజీ సింగ్‌ తీశాడు. ఇక.. తెలంగాణ రాష్ట్రంలోని కరీంనగర్‌ జిల్లాలో ఒక రైతు మొక్కకు 600 గ్రాములు చొప్పున ఎకరాకు 16 క్వింటాళ్లు పండించాడు. వీరిద్దరూ రెడ్డిశేఖర్‌కు ముందే నర్సరీ పద్ధతిలో కంది సేద్యం చేపట్టినా.. దిగుబడి సాధనలో అతడే ముందు నిలిచాడని అధికారులు తెలిపారు. నాణ్యమైన కంది విత్తనాలను కొనుగోలు చేసి ప్రభుత్వం నిర్దేశించిన ధరకే రైతులకు విక్రయిస్తామని ఎనపీయం ఏపీడీ నాగరాజు, డీపీయం ఇనచార్జి ధర్మరాజు, వెలుగు ఏపీయం సుబ్రమణ్యం తెలిపారు. కందిసాగుపై రైతులకు అవగాహన కల్పిస్తామని ‘ఆత్మా’ ఏవో ప్రవీణ్‌కిశోర్‌ హామీ ఇచ్చారు.

• నర్సరీ పద్ధతి, సేంద్రియ ఎరువుల వాడకం
• వీరబల్లి రైతుల వినూత్న ప్రయోగం

ఎంత దిగుబడి వస్తుందో చూడాలి 
ఈ పద్ధతిలో కంది సాగు చేసేందుకు ఎకరాకు రూ.10 వేలు ఖర్చు అవుతున్నది. ఈ సాగు పద్ధతి ఆదర్శప్రాయంగా ఉందని ఇటీవల మా పొలాన్ని సందర్శించిన వ్యవసాయ అధికారులు అభినందించారు. నెలరోజుల్లో పంట చేతికి వచ్చే అవకాశం ఉంది. ఎంత దిగుబడి వస్తుందో చూడాలి.

కేవలం నీటితోనే.. 
మన ఇళ్లల్లో మట్టి లేకుండా ప్లాస్టిక్‌ పైప్‌లలో చిన్న కుండీలు ఏర్పాటు చేసి వాటిలో క్లేపెబల్స్‌ (మట్టి ఉండలు)వేసి మనకు నచ్చిన పూల మొక్కలు, టమాటాలు లాంటి కూరగాయలు మొక్కలు వేసుకోవచ్చు. వీటికి అందించే నీటిలోనే పోషకాలు కలపడం వల్ల మట్టి అవసరం ఉండదు. మట్టిలో ఉండే పోషకాలు ఈ నీటిలో ఉంటాయి. కనుక మట్టి ప్రసక్తి ఉండదు. ఈ విధానం ద్వారా పెంచే మొక్కలు మనం ఇంట్లో లేకున్నా వాటికి కావలసిన నీటిని తొట్టెలో ఉన్న నీటితో అనుసంధానించడం ద్వారా అవి ఏపుగా పెరుగుతుంటాయి.

నీటి పొదుపు చేయడానికి స్మార్ట్‌ వాటర్‌ సిస్టం

• నీటి లభ్యతను బట్టే పంటలు సాగు
• శాస్త్రవేత్తల సూచనలు పాటిస్తే దిగుబడుల శాతం పెరుగుతుంది

ఆంధ్రప్రదేశ్‌లో ఏ నేలలు రబీలో అధిక దిగుబడులకు అనువుగా ఉంటాయి? 

ఏ పంటల సాగుకు రబీ అనుకూలంగా ఉంటుంది..? 

రబీలో వరి సాగు అనుకూలంగా ఉంటుందా..? 

రబీ పంటల సాగులో రైతులు ఎలాంటి జాగ్రత్తలు తీసుకోవాలి..? 

ఆరుతడి పంటల సాగులో ఎలాంటి జాగ్రత్తలు తీసుకుంటే అధిక దిగుబడులు వస్తాయి? 

రబీలో పంటల సాగులో అనువైన రకాలు? 

రైతులు ఇంకా ఏమైనా జాగ్రత్తలు పాటించాలా..: 
నీటి లభ్యత ఉంటేనే వరి సాగు చేయాలి. లేదంటే వరి సాగు చేయవద్దు. ఆరుతడి పంటల వైపు రైతులందరూ దృష్టిసారించాలి. శాస్త్రవేత్తల సూచనలకు అనుగుణంగా పంటల సాగులో మెలకువలు పాటిస్తే మంచి దిగుబడులు సాధించవచ్చు.

•  ఐదు రాషా్ట్రల్లో కూరగాయల నారులో టాప్‌ 
•  విద్యార్థులకు, రైతులకు ఆ క్షేత్రం ఓ పాఠ్య పుస్తకం 

తెలుగు రాషా్ట్రల్లోనే కాదు.. కర్ణాటక, మహారాష్ట్ర, తమిళనాడులలో కూరగాయలు సాగుచేసే రైతులకు ప్రకాశం జిల్లా యద్దనపూడి మండలం బొబ్బేపల్లి గ్రామవాసులైన దండా బ్రదర్స్‌ పేరు సుపరిచితం. పొరుగు జిల్లాల రైతులు, వ్యవసాయ కళాశాల విద్యార్థులకు వారి వ్యవసాయ క్షేత్రం ఓ పాఠ్యపుస్తకం. ఇజ్రాయెల్‌ పరిజ్ఞానం, సేంద్రియ ఎరువుల వినియోగంద్వారా కూరగాయల నారు సాగులో మకుటంలేని మహారాజుల్లా వెలుగొందుతున్నారీ సోదరులు.
దండా వీరాంజనేయులు, శ్రీనివాసరావు, వెంకట్రావు అన్నదమ్ములు. 2004 నుంచి కూరగాయలు, మిరప తదితర నారు పెంపకంపై దృష్టి సారించారు. ఆధునిక సాంకేతిక పద్ధతులపై అవగాహన పెంచుకుంటూ ప్రభుత్వ ప్రోత్సాహ కాలు అందిపుచ్చుకోవడాన్ని వీరాంజనేయులు చూసుకుంటారు. శ్రీనివాసరావు మార్కెటింగ్‌ వ్యవహారాలు పర్యవేక్షిస్తే వెంకట్రావు పొలం బాధ్యత చూసేవారు. ఇలా వీరు తమ ఆరెకరాలను 60 ఎకరాలకు పెంచారు. మరో 60 ఎకరాలు కౌలుకు తీసుకుని వ్యవసాయ క్షేత్రాన్ని పరిశోధన సంస్థ స్థాయికి చేర్చారు.

మిర్చినారుకు మంచి గిరాకీ ఉండటంతో దానిపై దృష్టి పెట్టారు. షెడ్‌ నెట్‌ కింద నారు పెంపకంతో మంచి ఆదాయం వచ్చింది. ఉద్యానశాఖ పోత్సా హకంతో డ్రిప్‌ సదుపాయం ఏర్పాటుచేశారు. దీంతోపటు ఇతర విధానాలనూ అనుసరిస్తూ 30ఎకరాల్లో ఎకరాకు 13-14 లక్షల మొక్కలు పెంచుతారు. ఒక్కో మొక్క ఖర్చు 50 పైసలు పడుతుంది. ఇక రకాన్నిబట్టి ఒక్కో విత్తనం రూపాయినుంచి రూ. 1.50వరకు ఉంటుంది. ఆ మొత్తాన్ని కలిపి అమ్ముతారు. ఇలా ఏటా 4కోట్ల మొక్కలను మూడు, నాలు గు రాషా్ట్రల రైతులకు సరఫరా చేస్తున్నారు. వీటితోపాటు దొండ, కీరదోస, చిక్కుడు, టమాటా నారు పెంచుతారు. అలాగే నాలు గైదు రకాల క్యాప్సికం, క్యాబేజి, కాలీఫ్లవర్‌, ఉల్లి, క్యారెట్‌ వంటి 15-20 రకాలు పండిస్తు న్నారు. ఎండ నియంత్రణకు షెడ్‌నెట్‌, తేమశాతం తగ్గకుండా, నారు పీకేటపుడు వేర్లు తెగకుండా కొబ్బరి పిట్టు వాడకం, మిరపనారు ట్రేలలో పెంచటం వంటి పద్ధతులు అనుసరిస్తున్నారు. అలాగే సాధారణ పొలంలో కూలీలతో విత్తనాలు నాటించి పెంచుతారు. నారు పెంచడానికి రూ.50 లక్షలతో ఇటలీ నుంచి ట్రేలలో విత్తనాలు నాటే యంత్రం కొన్నారు. ఇది గంటకు 600-800 ట్రేలలో విత్తనాలు నాటుతుంది. మిర్చి సీజన కాగానే అక్టోబర్‌ నుంచి మార్చి వరకు క్యారెట్‌, క్యాబేజి, కాలీఫ్లవర్‌, క్యాప్సికంవంటి రకాల పండిస్తారు.

ఇజ్రాయెల్‌ సాంకేతిక పరిజ్ఞానంతో ‘ఇన్‌సెక్ట్‌ ప్రూఫ్‌’(షెడ్‌నెట్‌)ను 170 ఎకరాల్లో ఏర్పాటు చేశారు. నాలుగు మీటర్ల ఎత్తున ఆప్టినెట్‌ (దోమతెరలా) ఒకటి, దిగువన అల్యూమినియం కోటెడ్‌ నెట్‌ ఏర్పాటు చేస్తారు. వీటివల్ల 45 డిగ్రీల ఎండలోనూ నారు పెంచవచ్చు. ఎండ సరిపోనపుడు అల్యూమినియం నెట్‌ను మడిచేయవచ్చు. ఇది ఆప్టినెట్‌మీద పడే ఎండను రెట్టింపుగా పరావర్తనం చేస్తుంది. దానివల్ల క్రిమి, కీటకాలు రావు. పైగా 120కి.మీ. వేగంతో గాలులు వచ్చినా తట్టుకునేలా వీటిని ఏర్పాటుచేస్తారు. అలాగే పూర్తిగా సేంద్రియ ఎరువులు వాడటం వీరి ప్రత్యేకత. ఈ క్షేత్రంలో 25 బోర్లుండగా నాలుగైదు ప్రాంతాల్లో నీటికుంటలు తవ్వి, నీటిని వాటిలోకి పంప్‌ చేస్తారు. ఆ నీటిలోకి పశు విసర్జితాలను ద్రవరూపంలో వదులుతారు. ఇతర పోషకాలనూ కలిపి స్ర్పింక్లర్లతో పంటకు అందిస్తారు. ఏడెనిమిది గ్రామాల కూలీలు 300మంది ఇక్కడ ఉపాధి పొందుతున్నారు. ఈ క్షేత్రంలో సాగు పద్ధతుల పరిశీలనకు విద్యార్థులు, రైతులు తరచూ వస్తుంటారు.
– ఆంధ్రజ్యోతి , ఒంగోలు 

తెలుగు రాషా్ట్రలతో పాటు మొత్తం ఐదు రాషా్ట్రల రైతులకు నారు సరఫరా చేస్తున్నాం. అంతమంది రైతుల నమ్మకం లభించడం నిజంగా సంతృప్తినిస్తోంది. ప్రభుత్వ ప్రోత్సాహం లభిస్తే మరింత మెరుగైన ఫలితాలు సాధించే వీలుంటుంది. మేం దొండ తోటలో ఆరు మాసాలు కష్టపడితే కొనుగోలుదారులు కిలో రూ.5 వంతున కొంటారు. కానీ, వారు మరో 10 గంటల తర్వాత అమ్మే సమయంలో మరో ఐదు రూపాయల లాభాన్ని జేబులో వేసుకుంటున్నారు. రేయింబవళ్లు కష్టపడిన రైతుకు ఆ ఆదాయం దక్కితేనే వ్యవసాయం లాభసాటిగా ఉంటుంది.
– వీరాంజనేయులు

సరైన సమయంలో కలుపు తీయకపోవడం,
ఏ దశలో, ఎంత మోతాదులో కలుపు నివారణ మందులు వాడాలనే అవగాహన లేక రైతులు పది శాతానికి పైగా పంటను, ఏటా రూ.వందల కోట్ల ఆదాయాన్ని నష్టపోతున్నారు. సకాలంలో కలుపును నివారించుకోగలిగితే సాగు వ్యయం తగ్గవడమేగాక అధిక దిగుబడులు సాధించడం తథ్యమంటున్నారు ఆచార్య ఎన్జీ రంగా వ్యవసాయ విశ్వవిద్యాలయ నోడల్‌ అధికారి, కలుపు నివారణపై మూడున్నర దశాబ్దాలుగా కృషి చేస్తున్న ప్రొఫెసర్‌ ఎ.ఎస్‌.రావు. అంతర్జాతీయ స్థాయిలో ఎన్నో పరిశోధన పత్రాలు సమర్పించిన డాక్టర్‌ రావు ఇండియన సొసైటీ ఆఫ్‌ వీడ్‌ సైన అవార్డుసహా మరెన్నో పురస్కారాలు అందుకున్నారు. కలుపు నివారణపై ఆయన సూచనలు ‘ఆంధ్రజ్యోతి’ పాఠకులకు ప్రత్యేకం. 

కలుపు యాజమాన్యంలో తెలుగు రాషా్ట్రల రైతులు ఎలాంటి సమస్యలు ఎదుర్కొంటున్నారు? 
నేల స్వభావం, వేసే పంట, సాగుచేసే విధానాన్ని బట్టి కలుపు సమస్య వేర్వేరుగా ఉంటుంది. మాగాణిలో ఒక రీతిలో, ఎర్రనేలల్లో మరో తీరులో ఈ సమస్య ఎదురవుతుంది. తదనుగుణంగా కలుపు యాజమాన్య పద్ధతులు చేపడితే సత్ఫలితాలు వస్తాయి. పంట వేసిన నాటినుంచి కలుపు సమస్య రైతు కంటికి కునుకు లేకుండా చేస్తున్నది. ముఖ్యంగా తుంగ ప్రపంచవ్యాప్తంగా రైతుల్ని కలవరపెడుతున్నది. గతంలో రైతులు కూలీలతో కలుపు తీయించేవారు. ఇప్పుడు కూలీలు దొరకడం లేదు. దొరికినా వారినుంచి పూర్తి స్థాయిలో పని రాబట్టడం పెద్ద సమస్య. కూలీల ఖర్చు విపరీతంగా పెరిగింది. దీంతో రైతులు కలుపు నివారణ మందులపై దృష్టి సారిస్తున్నారు. అయితే, ఈ మందులను పంట ఏ దశలో, ఎంత మోతాదులో వాడాలి? ఏ పంటకు ఏ మందు వాడాలి? అనే అవగాహన లేక చాలామంది ఇబ్బందులు ఎదుర్కొంటున్నారు.
ప్రధాన పంటలైన వరి, పత్తిలో కలుపు నివారణకు ఎలాంటి చర్యలు తీసుకోవాలి? 
ప్రధాన వాణిజ్య పంట అయిన పత్తి 180 రోజులకు పైగా సాగయ్యే పంట. పత్తి ప్రాథమిక దశలో కలుపు లేకుండా జాగ్రత్తలు తీసుకోవడం చాలా అవసరం. పత్తి వేసిన రోజు నుంచి మొదటి 60 రోజుల్లో కలుపు లేకుండా చూసుకుంటే రైతులు మంచి దిగుబడులు సాధించే వీలుంటుంది. ఖరీఫ్‌లో వర్షాలు ఎక్కువగా పడతాయి. ఎరువులు కూడా ఎక్కువ వేస్తారు కాబట్టి కలుపు బాగా పెరుగుతుంది. దీని నివారణకు పత్తి వేసిన రోజు నుంచి 20, 40, 60 రోజులకు ఒకసారి వంతున కలుపుతీస్తే ఆ తర్వాత ఎలాంటి ఇబ్బంది ఉండదు. దిగుబడి కూడా పెరుగుతుంది. ఏ మాత్రం ఆలస్యం చేసినా రైతు అన్నివిధాలా నష్టపోవాల్సి వస్తుంది. దీంతోపాటు నేల స్వభావాన్నిబట్టి పత్తి సాళ్లలో అడ్డంగా, నిలువుగా రెండుమూడు సార్లు దున్నినా కలుపును చాలా వరకు నివారించే వీలుంటుంది. ఇక వరి 120 రోజుల్లో పండే పంట. మాగాణి వరిలో నాటిన మొదటి ఆరువారాలు కలుపు తీయటానికి కీలక సమయం. దీనివల్ల పంట దిగుబడి గణనీయంగా పెరుగుతుంది. ఇలాంటి కలుపు యాజమాన్య పద్ధతులపై అవగాహన లేక మన రైతులు ఎంతో నష్టపోతున్నారు.
కలుపు నివారణ మందులు వాడటం వల్ల నేలకు, పంటకు నష్టమనే అభిప్రాయం ఉంది కదా? 
ఆధునిక పరిజ్ఞానంవల్ల నష్టాలే కాదు ఉపయోగాలు కూడా ఉంటాయి. కలుపు మందులను ఉపయోగించే విధానం తెలుసుకుని సకాలంలో, జాగ్రత్తగా ఆ మందుల్ని చల్లడం వల్ల రైతులకు మంచి ప్రయోజనం చేకూరుతుంది. ఉదాహరణకు అన్నిరకాల కలుపుమొక్కలు సమపాళ్లలో ఉన్న మాగాణి వరిలో కలుపు నిర్మూలించేందుకు ఎకరాకు 4కిలోల బ్యూటాక్లోర్‌ గుళికలు, నాలుగు కిలోల 2,4-డి ఇథైన ఎస్టర్‌ గుళికలను 20 కిలోల ఇసుకలో కలిపి చల్లాలి. వరి నాటిన 3 నుంచి 5 రోజులలో ఈ విధంగా చేస్తే రైతులు మంచి దిగుబడి సాధిస్తారు. ఈ కలుపును కూలీలతో తీయించాలంటే ఎకరాకు మూడు వేలకు పైగానే ఖర్చవుతుంది. కలుపు మందు కోసం కేవలం 300 ఖర్చు చేస్తే సరిపోతుంది. కానీ, ఇదే మందును వేరే పంటలకు వేస్తే మంచికి బదులు దుష్పరిణామాలు ఎదురవుతాయి. సరైన అవగాహనతో ఆధు నిక పరిజ్ఞానాన్ని సరైన సమయంలో ఉపయోగించుకుంటే రైతులు తప్పక లబ్ధి పొందుతారు.
కలుపు మందులపై రైతుల్లో అవగాహన పెంపొందించేందుకు ఏం చేయాలి? 
కలుపును అదుపు చేయలేని కారణంగా మొత్తం దిగుబడిలో పది శాతాన్ని రైతులు నష్టపోతున్నట్లు అధ్యయనాలు చెబుతున్నాయి. అంటే… మన దేశంలో ఏటా వేల కోట్ల రూపాయల ఆదాయాన్ని రైతులు కలుపువల్ల నష్టపోతున్నారన్నమాట. ఆధునిక పరిజ్ఞానం సాయంతో దీన్ని నివారించుకుంటేనే రైతుల క ష్టానికి తగిన ఫలితం లభిస్తుంది. కలుపు మందుల వినియోగంపై రైతుల్లో అవగాహన పెంచడమే అందుకు ఏకైక మార్గం. రైతులకే కాకుండా వ్యవసాయ అధికారులు, ఎరువులు-క్రిమి సంహారక మందుల డీలర్లకు కలుపు నివారణ మందుల వినియోగంపై పూర్తి స్థాయి అవగాహన కల్పించాలి. వీరిని రైతులు తరచూ కలుస్తారు కాబట్టి తాజా సమాచారం వాళ్లద్వారా రైతులకు చేరే అవకాశం ఉంటుంది.

ఇరవయ్యో శతాబ్దపు గొప్ప ఆవిష్కరణల్లో 1944లో కనుగొన్న కలుపుమందు కూడా ఒకటి. పెరుగుతున్న జనాభాకు అనుగుణ ంగా వ్యవసాయ దిగుబడులను పెంచడంలో కలుపు మందుల పాత్ర గణనీయంగా ఉంటుంది. అభివృద్ధి చెందిన దేశాల్లో కలుపు మందులను బాగా ఉపయోగిస్తున్నారు. మన దేశంలో తలసరి కలుపు మందుల వినియోగం 20 గ్రాములు కాగా అభివృద్ధి చెందిన దేశాల్లో 250 నుంచి 500 గ్రాములదాకా ఉంది. జపానలో ఏకంగా రెండు కిలోల కలుపు మందు వాడుతున్నారు. ఆ దేశాల్లోని రైతుల్లో అక్షరాస్యత అధికంగా ఉండటం, కలుపు మందుల్ని తట్టుకునే జన్యుమార్పిడి పంటల సాగు ఎక్కువగా ఉండటం కూడా వీటిని విస్తృతంగా వినియోగించడానికి కారణం. కలుపు మందులను ఎలా, ఎప్పుడు, ఎంత మోతాదులో, ఏ పంటకు, ఏ మందు వేయాలనే అంశాలపై మన దేశంలోని రైతులలోనూ అవగాహన పెంపొందిస్తే వ్యవసాయ రంగంలో అద్భుత పురోగతి సాధించడం తథ్యం.
– స్పెషల్‌ డెస్క్‌ 

ప్రొఫెసర్‌ ఎ.ఎస్‌.రావు 
ఆచార్య ఎన.జి. రంగా వ్యవసాయ విశ్వవిద్యాలయం నోడల్‌ అధికారి

• మార్కెట్‌లో పలురకాల కలుపు మందులు లభిస్తున్నాయి. ఏ పంటకు, ఏ రకం మందు, ఎంత మోతాదులో, ఏ సమయంలో వాడాలనే వివరాలు పూర్తిగా తెలుసుకున్న తరువాత మాత్రమే కలుపు మందులు వాడాలి. సిఫార్సు చేయని, వివరాలు తెలియని కలుపు మందులను వాడకూడదు. ఉదాహరణకు మాగాణి వరిలో వరి నాటిన 3 నుంచి 5 రోజులలోపు కలుపు నిర్మూలనకు ఎకరాకు 35 నుంచి 50 గ్రాముల ఆక్సాడయార్జిల్‌ 80 శాతం పొడి వాడాలి. అలా కాకుండా ఎక్కువ మోతాదులో వాడితే పైరు దెబ్బతింటుంది.
• ఏ పంటకు సిఫారసు చేసిన కలుపు మందును ఆ పంటకు మాత్రమే వాడాలి. ఉదాహరణకు మాగాణి వరిలో కలుపు నివారణకు ఉపయోగించే 2, 4-డి సోడియం సాల్టు 80 శాతం పొడి మందును ఎట్టి పరిస్థితుల్లో ద్విదళ బీజపంటలైన మినుము, పెసర, పత్తి, పొగాకు, మిరప పంటల్లో కలుపు నివారణకు చల్లకూడదు.
• కొన్ని రకాల కలుపు మందులు విత్తడానికి ముందే స్ర్పే చేసి, గుంటకతో కలియబెట్టి సాగు చేసుకోవాలి. వాటిని పైరు విత్తిన తరువాత స్ర్పే చేస్తే ఫలితం ఉండదు.
• కొన్ని రకాల మందులు పైరు, కలుపు మొలకెత్తిన తరువాత మాత్రమే స్ర్పే చేయాలి. ఉదాహరణకు సైహోలోఫాప్‌ బ్యూటైల్‌, ఫెనాక్సాప్రాప్‌ ఇథైల్‌, క్వైజాలాఫాప్‌, ఇథైల్‌ ప్రొపాక్వైజపాప్‌ వంటి మందులు మినుము, పెసర పైర్లు విత్తిన 15 నుంచి 20 రోజులకు కలుపు పెరుగుతుంది కాబట్టి అప్పుడే స్ర్పే చేయాలి.
• కొన్ని రకాల కలుపు మందులకు పంట, కలుపు అనే విచక్షణ శక్తి ఉండదు. అన్ని మొక్కలనూ నిర్మూలిస్తాయి కాబట్టి వాటిని పైర్లమీద వాడకూడదు. ఉదాహరణకు పారాక్వాట్‌, గైఫోసేస్‌ మందులు పత్తి, చెరకు పంటలలో వరుసల మధ్య ఎడం ఎక్కువగా ఉంటుంది కాబట్టి కలుపుమీద మాత్రమే పడేలా స్ర్పే చేయాలి. ఏ కొద్దిపాటి మందు పైరుమీద పడినా పంట నాశనం అవుతుంది.
• పక్కపొలంలో పత్తి, మిరప మొదలైన పంటలు ఉన్నప్పుడు వరికి వేసే 2,4-డి సంబంధిత మందులు వాడరాదు.
• కలుపు మందులు వాడేటప్పుడు ఆ మందు అవశేషాలు ఆ పంట తరువాత వేసే పంటపై కూడా దుష్ప్రభావాన్ని చూపుతాయేమో ముందుగా తెలుసుకుని వాడాలి.
• కలుపు మందులను ఇసుక, గరప నేలల్లో తక్కువ మోతాదులో, సేంద్రియ పదార్థం అధికంగా ఉండే నల్లరేగడి నెలల్లో ఎక్కువ మోతాదులో, ఎర్రనేలల్లో మధ్యస్థంగా వాడాలి.
• మిశ్రమ పంటలు వేసినప్పుడు కలుపు మందుల వాడకంలో ప్రత్యేక శ్రద్ధ తీసకోవాలి.
• నీటిలో కరిగే పొడి రూపంలో ఉన్న మందులను ఇసుకలో కలిపి వెదజల్లరాదు.
• కలుపు మందులను సాధ్యమైనంత వరకు గాలి తక్కువగా వీచే సమయంలో, ఎండ తక్కువగా ఉన్నప్పుడు స్ర్పే చేయాలి.
• నిర్దిష్టమైన సూచనలు లేనిదే కలుపు మందులను ఎరువులతోను, పురుగుల మందులతోను, తెగుళ్ల మందులతోనూ కలపరాదు.
• కలుపు మందులు పురుగుల మందుల మాదిరిగానే విషపూరితాలు కాబట్టి వీటిని ఆహార పదార్థాలకు, పిల్లలకు దూరంగా ఉంచాలి. – డాక్టర్‌ ఎ.ఎస్.రావు, నోడల్‌ ఆఫీసర్‌ ఎన.జి.రంగా వ్యవసాయ విశ్వవిద్యాలయం

రైతులతో ‘రెవెన్యూ’ చెలగాటం 
‘మీ ఇంటికి మీ భూమి’ పేరుతో ఎన్ని కార్యక్రమాలు చేపట్టినా రైతుల కష్టాలు మాత్రం తీరడం లేదు. రైతుల వద్ద ఉండే భూమికి సంబంధించిన పాస్‌బుక్‌లు తప్పుల తడకలుగా ఉంటున్నాయి. పాస్‌బుక్‌లో పొరపాట్లు దొర్లితే వాటిని సరిదిద్ది సరైన సమాచారాన్ని ఆనలైనలో నమోదు చేయాలి. అప్పుడే రైతుకు అందాల్సిన ప్రయోజనాలు దక్కుతాయి. అలాగే రైతుకు భరోసా ఉంటుంది. కానీ, రెవెన్యూ యంత్రాంగం వైఖరివల్ల పాస్‌బుక్‌లలో తప్పులు ఏళ్ల తరబడి కొనసాగుతున్నాయి. ఈ తప్పలు సరి చేయించేందుకు రైతులు చెప్పులరిగేలా రెవెన్యూ కార్యాలయాల చుట్టూ ప్రదక్షిణలు చేయాల్సి వస్తున్నది. వాళ్లు చేసిన తప్పులను సరిదిద్దేందుకు సంబంధిత సిబ్బంది దుర్మార్గంగా వ్యవహిస్తున్నారు. రైతుల్ని పలు విధాల వేధింపులకు గురిచేస్తున్నారు. లంచాలు గుంజుతున్నారు. రెవెన్యూ యంత్రాంగం బాధ్యతగా వ్యవహరించి అన్నదాతను ఇబ్బందులు పాల్జేయకుండా పాస్‌బుక్‌లను సరిచేయాలి. భూమి రికార్డులను సరిచేసేందుకు గతంలో రెండుసార్లు చేపట్టిన కార్యక్రమాల వల్ల రైతులకు ఎలాంటి ప్రయోజనం చేకూరలేదు ఈ సారయినా ‘మీ ఇంటికి మీ భూమి’ కార్యక్రమం రైతుల కష్టాలను తీరుస్తుందని ఆశిద్దాం. – ఓరుగంటి నారాయణరెడ్డి, నాగార్జున రైతు సమాఖ్య గౌరవాధ్యక్షుడు, గుంటూరు.